बर्दियामा फाेटाे तथा भिडियो पत्रकारीता तालिम सुरू

बर्दियाकाे ठाकुरद्वारामा तीन दिने फाेटाे तथा भिडियो पत्रकारीता तालिम सुरू भएकाे छ । लुम्बिनी प्रदेश सरकारकाे आन्तरिक मामला तथा सञ्चार मन्त्रालयकाे आयाेजना र नेपाल पत्रकार महासंघ लुम्बिनीको समन्वयमा तालिम सुरू भएकाे हाे ।

शुक्रबार देखि सुरू भएकाे तालिमकाे प्रमुख प्रशिक्षक मनाेज पाैडेल र पत्रकार महासंघ लुम्बिनीका अध्यक्ष वसन्त गिरीले ब्यानर पढेर उद्घाटन गरेका हुन । उद्घाटन कार्यक्रममा बाेल्दै प्रमुख प्रशिक्षक मनाेज पाैडेलले एउटा फाेटाेले हजार शब्दकाे वयान गर्ने बताए । उनले फाेटाेकाे माध्यमबाट सम्बन्धित पक्षकाे ध्यानाकर्षण गराउन सकिने बताए ।

कार्यक्रममा बरिष्ठ पत्रकार कमल पन्थीले बर्दियाकाे पर्यटन प्रवर्द्धनमा तालिम फलदायी हुने विश्वास व्यक्त गरे । नेपाल पत्रकार महासंघ बर्दिया उपाध्यक्ष मेनुका चाैधरीले पत्रकारीतामा महिलाहरूकाे सहभागिता बृद्दि गर्नु पर्नेमा जाेड दिइन । कार्यक्रम पत्रकार महासंघ लुम्बिनी अध्यक्ष वसन्त गिरीकाे अध्यक्षता, उपाध्यक्ष सुक्रऋषि चाैलागाईकाे स्वागत र काेषाध्यक्ष यम नारयण घिमिरेकाे सञ्चालनमा सम्पन्न भएकाे थियाे । असार ३ गते सुरू भएकाे तालिम असार ६ गते सञ्चालन हुनेछ ।