गणतन्त्र दिवस उत्सवका रूपमा मनाउने एमालेको निर्णय

काठमाडौँ- नेकपा (एमाले) को सचिवालय बैठकले गणतन्त्र दिवस उत्सवका रूपमा मनाउने निर्णय गरेको छ।

च्यासलमा आइतबार प्रधानमन्त्रीसमेत रहेका अध्यक्ष केपी शर्मा ओलीको उपस्थितिमा बसेको सचिवालय बैठकले जेठ १५ गते गणतन्त्र दिवस विशेष उत्सवका रूपमा मनाउने निर्णय गरेको हो। बैठकपछि प्रचार विभाग प्रमुख राजेन्द्र गौतमले जारी गरेको विज्ञप्तिमा गणतन्त्र दिवस विशेष उत्सवका रूपमा मनाउन आह्वान गर्ने निर्णय भएको उल्लेख छ।