घट्यो नेप्से, बढ्यो कारोबार

काठमाडौं । अघिल्लो दिन ६२ अंकले उक्लिएको सेयर बजार बुधबार ५ अंकले घटेर नेप्से परिसूचक २५६६ मा झरेको छ।

कारोबारका क्रममा दिउँसो केहीबेरका लागि नेप्सेले २६ सय अंक पार गरे पनि टिक्न सकेन। परिसूचक घटेपनि आजको कुल कारोबार रकम ५ अर्ब ४५ करोड रुपैयाँ पुगेको छ, जुन अघिल्लो दिनको ४ अर्ब ५७ करोड भन्दा बढी हो।

आज ८५ कम्पनीको मूल्य बढ्दा १५९ को घट्यो र ६ कम्पनी स्थिर रहे।
होटल तथा पर्यटन (२.१५%), व्यापार (२%) र हाइड्रोपावर (०.०१%) समूहमा सुधार देखियो।
तर अन्य, बैंकिङ, विकास बैंक, फाइनान्स, लगानी, बीमा र उत्पादन समूहमा गिरावट आयो।

उपकार लघुवित्त र खानीखोला हाइड्रोपावरका सेयरमा १०% वृद्धि भयो।
त्यस्तै मानुषी लघुवित्त, हिमालयन पावर पार्टनर र आशा लघुवित्तको मूल्य क्रमशः ९.९१%, ८.७४% र ७.६८% बढ्यो।
तर पञ्चकन्या माइ हाइड्रोपावर र सिनर्जी पावरका सेयर क्रमशः ३.६९% र ३.२१% ले घटे।

आज धेरै कारोबार भएका कम्पनीहरूमा युनियन हाइड्रोपावर, एनआरएन इन्फ्रास्ट्रक्चर, बुटवल पावर, राधि विद्युत् र हिमालयन रिइन्स्योरेन्स परे।