इजरायलमा मारिएका विपिन जोशीको शव आज नेपाल ल्याइँदै

काठमाडौं। इजरायलमा हमासको आक्रमणका क्रममा मारिएका कञ्चनपुरका विपिन जोशीको शव आज फ्लाई दुबईको विमानमार्फत नेपाल ल्याइँदैछ।
त्रिभुवन अन्तर्राष्ट्रिय विमानस्थलमा दिउँसो विमान अवतरण हुने तालिका रहेको छ। प्रधानमन्त्री, मन्त्रीहरू र परराष्ट्र मन्त्रालयका अधिकारीहरूले विपिनप्रति श्रद्धाञ्जली अर्पण गर्ने कार्यक्रम तय भएको छ

इजरायलमा अध्ययनका क्रममा पुगेका जोशी सन् २०२३ अक्टोबर ७ मा हमासद्वारा अपहरणमा परेका थिए। पछिल्लो वर्ष असोज २७ मा इजरायली अधिकारीहरूले उनको मृत्यु पुष्टि गरेका थिए। डीएनए परीक्षणपछि शव विपिनकै भएको प्रमाणित भएको हो।

नेपाल ल्याउनुअघि आइतबार तेल अवीवस्थित खटिभा ८ स्मारक र बेनगुरिएन विमानस्थलमा श्रद्धाञ्जली अर्पण गरिएको थियो।