११ मंसिर २०८२, बिहिबार | Thu Nov 27 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

मंगलबार पनि घट्यो सुनको भाउ, तिहार यता १६ हजारले घट्यो मूल्य



काठमाडौं । लगातार घट्दो क्रममा रहेको सुनको भाउ मंगलबार पनि घटेको छ। नेपाल सुन चाँदी व्यवसायी महासंघका अनुसार आज (मंगलबार) सुन प्रतितोला दुई हजार नौ सय रूपैयाँले घटेर दुई लाख ३७ हजार रूपैयाँमा कारोबार भइरहेको छ।

सोमबार सुनको मूल्य तोलामा दुई हजार रूपैयाँले घटेर दुई लाख ३९ हजार ९ सय रूपैयाँमा पुगेको थियो। अन्तर्राष्ट्रिय बजारमा मूल्य घटिरहेकाले नेपालमा पनि सोको प्रभाव परेको महासंघले जनाएको छ।

तिहार यता मात्रै सुन प्रतितोला १६ हजार पाँच सय रूपैयाँले घटिसकेको छ। सोमबार बेलुका अन्तर्राष्ट्रिय बजारमा सुनको मूल्य प्रतिऔंस करिब तीन प्रतिशतले घटेको थियो। अहिले सुन प्रतिऔंस तीन हजार नौ सय ७५ अमेरिकी डलरमा कारोबार भइरहेको छ।

यसअघि सुन प्रतिऔंस चार हजार चार सय डलरसम्म पुगेर ऐतिहासिक उचाइमा पुगेको थियो।

त्यस्तै, मंगलबार चाँदीको भाउ पनि घटेको छ। आज चाँदी तोलामा ६० रूपैयाँले घटेर दुई हजार नौ सय २० रूपैयाँमा कारोबार भइरहेको छ।

प्रकाशित मिति : ११ कार्तिक २०८२, मंगलबार  १२ : ३८ बजे