जुम्ला। नेपाली काँग्रेसबाट निर्वाचित जुम्लाको गुठिचौर गाउँपालिकाका अध्यक्ष दानबहादुर बुढाको पद रिक्त भएको छ ।
केही समयअघि नेपाली कांग्रेस परित्याग गरी राष्ट्रिय स्वतन्त्र पार्टी (रास्वपा) मा प्रवेश गरेपछि निर्वाचन आयोगले उहाँलाई पदमुक्त गरेको हो । गाउँपालिकाको कार्यकालको अन्तिम बजेट ल्याउने तयारी भइरहेका बेला अध्यक्षको पद रिक्त भएको छ ।
निर्वाचन आयोगले सोमवार एक सूचना जारी गर्दै राजनीतिक दल सम्बन्धी ऐन, २०७३ को दफा ३२ को उपदफा (१) र राजनीतिक दल सम्बन्धी नियमावली, २०७४ को नियम २२ बमोजिम दल त्याग गरेको ब्यहोराको जानकारी प्राप्त भएपछि आयोगको मिति २०८३/०३/०८ गतेको निर्णयअनुसार गुठिचौरका अध्यक्ष बुढाको पद स्वतः रिक्त भएको हो जनाएको छ ।
२०७९ को निर्वाचनमा काँग्रेसबाट चुनाव जितेका बुढाले एक वर्ष कार्यकाल बाँकी हुदै रास्वपा प्रवेश गरेपछि जुम्ला काँग्रेसले कारबाहिका लागि सिफारिस गरेको छ ।
कांग्रेसका तर्फबाट निर्वाचित जनप्रतिनिधिहरूले दल त्याग गरी अन्य दलमा प्रवेश गरेको भनी नेपाली कांग्रेसको केन्द्रीय कार्यसम्पादन समितिले निर्णय गरी आयोगमा जानकारी गराएको थियो।
प्रतिक्रिया