विराटनगर बाल सुधार गृह तोडफोड, साढे दुई सय बाल बिज्याइकर्ता फरार

विराटनगर ।

विराटनगर–३ स्थित बाल सुधार गृह तोडफोड गरेर राखिएका सबै बाल बिज्याइकर्ता बुधबार बिहान फरार भएका छन्।

सुधार गृहमा साढे दुई सय हाराहारीमा रहेका बाल बिज्याइकर्ता समूहगत रूपमा बाहिर निस्किएका थिए। उनीहरू चर्को होहल्ला गर्दै सुधार गृह छाडेको स्थानीयहरूले बताए।

घटनापछि प्रहरीले बाल सुधार गृह वरपर सुरक्षा बढाएको छ। फरार भएकाहरूको खोजी कार्य सुरु भएको मोरङ प्रहरीको भनाइ छ।