नवलपरासीमा ट्रकले स्कुटरलाई ठक्कर दिँदा दुई जनाको मृत्यु

नवलपरासी (बर्दघाट–सुस्तापूर्व)को गैँडाकोट–१० स्थित सिस्नेपुलमा आज अपराह्न ट्रकले स्कुटरलाई ठक्कर दिँदा दुई जनाको मृत्यु भएको छ ।
नारायणघाटतर्फबाट कावासोतीतर्फ जाँदै गरेको ना५ख ८४१७ नम्बरको ट्रकले नारायणघाटतर्फ जाँदै गरेको लु ५५ प ३१३४ नम्बरको स्कुटरलाई ठक्कर सिस्नेपुलमा दिएको थियो । स्कुटरलाई ठक्कर दिएपछि ट्रक अनियन्त्रित भई पल्टिँदा उक्त स्कुटरमा सवार व्यक्ति र ट्रक चालकसमेत दुई जनाको मृत्यु भएको प्रहरीले जनाएको छ ।

जिल्ला प्रहरी कार्यालयका सूचना अधिकारी प्रहरी नायब उपरीक्षक मधु नेपालले दुवै जनालाई चितवनको भरतपुर अस्पतालमा पठाइएको भन्दै उनीहरुको पहिचान खुल्न नसकेको जानकारी दिनुभयो ।