१० मंसिर २०८२, बुधबार | Thu Nov 27 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

सुर्खेतको काँक्रेबिहार जंगलमा युवक–युवती मृत फेला



सरस्वती बुढा सुर्खेत,

सुर्खेतकाे वीरेन्द्रनगर नगरपालिका–९ अन्तर्गत पर्ने काँक्रेबिहार जंगलमा एक युवक र एक युवती मृत अवस्थामा फेला परेका छन्।

आज बिहान करिब ११:२० बजे घाँस काट्न गएको एक स्थानीयले दुवै जना रुखमा झुण्डिएको अवस्थामा देखेपछि तत्काल प्रहरीलाई खबर गरेका थिए।

सूचना प्राप्त भएपछि जिल्ला प्रहरी कार्यालय सुर्खेतबाट प्रहरी निरीक्षक राजन भट्टराईको कमाण्डमा पाँच जनाको प्रहरी टोली घटनास्थलतर्फ खटिएको थियो।

प्रहरीका अनुसार घटनास्थलमा गरिएको प्रारम्भिक पहिचानअनुसर मृतक युवती १६ वर्षीया दिपिका चौधरी, सुर्खेत–१० खजुरा बस्ने र युवक १८ वर्षीय नरेश खत्री, जुम्ला कनकासुन्दरी गाउँपालिका–७ निवासी रहेका छन्। दुवै जनाको पहिचान आफन्तहरूले नै खुलेको जिल्ला प्रहरी कार्यालय सुर्खेतका प्रहरी नायब उपरीक्षक मोहनजंग बुढथापाले जानकारी दिए।

घटनाको वास्तविक कारण पुष्टि हुन बाँकी रहेको र आवश्यक थप अनुसन्धान भइरहेको प्रहरीले जनाएको छ।

प्रकाशित मिति : ८ मंसिर २०८२, सोमबार  १० : ४० बजे